viernes, 16 de febrero de 2018

Proyeutu 52 Techos Solidarios

Con esta entrada, quiero dar el mió sofitu al Proyeutu de Bauti Bermudez, dando dende esti humilde blogue montañeru la poca o muncha difusión que podamos facer. El casu ye poner esi granín de sable pela nuesa parte y espublizar la info sobre esti proyeutu, que quier dar visibilidá a enfermedaes que necesiten inversión n'investigación y más medios na sanidá estatal.

Un abrazu y ánimu pa Bauti y a siguir ascendiendo techos pol Cancer, Parkinson, X-Fragil y ELA 

-------------------------


Proyecto 52 Techos solidarios: En este proyecto ascenderé la montaña más alta de cada provincia española y algunas internacionales (Marruecos, Portugal y Andorra), apoyando y dando visibilidad a particulares y entidades que luchan contra el cáncer, párkinson, el síndrome x-fragil y la ELA. Con este reto intento mandar ánimos y dar visibilidad a la lucha de estos colectivos sociosanitarios y a todas las personas que viven día a día con estas enfermedades, fomentar el deporte y la vida sana, conseguir con esfuerzo y constancia un objetivo. Es un sueño pensar que si consigo esa visibilidad para estas entidades será más fácil que obtengan donaciones, voluntarios, más proyectos, y por supuesto más investigación para obtener soluciones que eviten más muertes... ¡Pues habrá que poner nuestro granito de arena en este sueño!

Empecé eligiendo la lucha contra el cáncer y el párkinson a través de dos asociaciones manchegas (AMAC y AFEPAB), después me enteré del caso de X-Fragil del albaceteño Raulete, el hijo de un buen amigo, y el caso del manchego J.R. Amores y su lucha contra la ELA, e incluí a ambos. No descarto poder ayudar más antes de terminar el proyecto, porque a fin de cuentas cada grano de arena cuenta, y si no puedo ayudar de otra forma pues les daré visibilidad, porque estas enfermedades existen, hay mucha gente que las padece, y se necesita más investigación y más soluciones.


¿Sólo o acompañado? Algunos picos los he realizado sólo, pero por seguridad siempre es mejor ir acompañado, y cuento con la inestimable ayuda de mi grupo de montaña Caminantes y Correcaminos (Pepe Navarro Gabaldón, Chema Ruiz Renovales, Juan Carlos Garrido, Nines), grupo Jabat@s (Fran Gil López, Marta Nieto Linares, Jose Gym Palas, Pilar ), a mi primo Toni González (AB), y a Jesús Utri (AB), Érica Serrano Palazón (AB), José Carlos Temprado (La Roda), Lourdes Nieto (La Roda), Miguel Ángel Alcolea Santos (Socuellamos), Gloria Rex (Valencia), José Kast (AB)... que me han acompañado en uno o varios de estos Techos. Se lo agradezco desde aquí por hacerlo posible.

 ¿Fácil o dificil? No todo ha sido fácil ni bonito, y a veces me he encontrado con situaciones complicadas y he tenido que decidir con sangre muy fria; otras para prevenir me he tenido que dar la vuelta; es lo que tiene la montaña, hay que actuar con seguridad y que el clima o las condiciones no pongan tu vida en peligro. Recuerdo una frase que me motiva paso a paso: “Nuestro camino no es por fáciles prados de hierba, sino que es un sendero de montaña escarpado y lleno de dificultades. Pero siempre hacia adelante, hacia arriba, hacia el sol” (Ruth Westheimer). Pienso firmemente que cada paso que he dado ha merecido la pena por esta causa.


¿Te apoya alguna empresa? Me siento orgulloso de que empresas de otras partes del país, e incluso empresas internacionales, participan y colaboran en este proyecto y juntos hacen más fácil ser solidario. Estas empresas comprometidas son: Cuartero&Agurcia (Nicaragua), Kaemp (Nepal), Polymath Products (U.K), Maurten (Suecia), Luma-Enlite (Austria), Nutrifitness (España), Qreatic (España), Pesetacoin (España), Capdedroms (Barcelona), Bloovs (Barcelona), Prokey Drinks (Tarragona), Familia Serra y Lamejornaranja (Valencia), Fabián Vázquez (Galicia), Mountain Of Winter (Huesca), Creaciones Casbas (Huesca), Óptica Marpe Vision (Albacete), Fisioterapia Albacete (Albacete), Sunlight (Albacete), Gimnasio Palas (Albacete), Manuel García - ElAmigoB (Albacete). Muchas gracias a tod@s y a los que vendrán, porque por una buena causa se mueven montañas...

Estoy abierto a que más patrocinadores quieran apoyarme y quieran patrocinar o colaborar en este proyecto. Pueden contactarme a CONTACTO@BAUTISTABERMUDEZ.ES


¿Tienes mas proyectos después de éste? Sí, por supuesto, ya he pensado un proyecto internacional relacionado con volcanes para finales de 2018 y principios de 2019. Después seguiré con algunos retos clásicos montañeros en España.


¿Quién soy? Soy un montañero federado con experiencia, me encanta el trekking, el alpinismo, y los deportes de riesgo. Estudié comercio internacional y marketing, y me he especializado en marketing digital. Nací en Albacete y tengo 38 años, y he estado en algunas de las montañas más altas, famosas y emblemáticas de España, como el pico Mulhacén, Aneto, Monte Perdido, Moncayo, Aitzkorri, Peñalara, Peña Trevinca, Peñarroya, Almanzor... y otros como el pico Toubkal, en el Alto Atlas marroquí. Actualmente trabajo de vendedor 6 días a la semana, y empecé este reto sin presupuesto, pero con muchas ganas de echar una mano en estos temas. Así, y pese a esos handicaps, durante 2016 logré la mitad del proyecto y estimo acabarlo en verano de 2018.  Soy una persona normal que quiere ayudar, asi de simple.




¿Por qué lo hago? Supongo que empecé un día cansado de que gente a la que quieres se va por una enfermedad, después de años de sufrimiento, medicina y hospitales. Pasan los años y sientes impotencia de que no haya más fondos para investigar y encontrar soluciones, o los fondos que hay no los destinan al estudio de estas enfermedades. A veces sólo queda lo que uno mismo pueda hacer, a dónde uno mismo pueda llegar y dar ejemplo con tus actos y unos pequeños gestos desinteresados. Muchas veces será tarde para unos, pero tal vez se pueda ayudar a otros. Asi pues, aunque sea para recordar que algunas enfermedades existen y que se sigue luchando contra ellas, pensé en dedicar mi tiempo y esfuerzo a dar visibilidad al Cáncer, Párkinson, síndrome X-Fragil y Escleroris Lateral Amiotrófica (ELA), y que mejor manera que uniendo esos esfuerzos al deporte de montaña.

jueves, 15 de febrero de 2018

Pirámide del Fontún: Espolón Asturianos (Vil.lamanín)

Branu 2017

Una vegada más, axuntábemos Dani y yo pa intentar facer dalgo d'alpina y si soi sinceru, toi siendo yo'l que ta costándo-y más poneme en serio a ello, ya qu'ando permotivau cola deportiva y metese a esguilar con seguros y probando cada peña que toques, cuando tas d'apretar enforma nes escueles deportives, pues ye otru rollu mental.

Croquis de la vía por ADN Astur

Aún así, fuimos a decidinos a facer dalguna actividá y como non, siempre-y dexo a Dani que seya quien escueya, ya que tien una llibretina de pendientes y yo déxome llevar, como bon compañeru de cordada, que va col envís de deprender tolo posible.

D'esti xeitu plantámonos en Llión y dempués de la charra-averamientu, onde xurden tou tipu de temes, aportamos al pié de vía, onde echaremos una güeyada pa centrar l'oxetivu. Como siempre, primer llarguín pa Dani, que solventa con dalguna dulda inicial y cambeu de turnu.

Averamientu rápidu y pindiu hasta'l Fontún

Tuve la suerte, a dicir verdá, de facer los únicos dos llargos d'escalada real, ya que montamos una primer reunión baxa y llueu empatamos lo que pa nós fue'l segundu y terceru. El primeru navegable con spits y el segundu más apretón con un murete final hasta aportar a una repisa con dos spits de reunión.

La calidá de la roca pues nun ye que sea pa tirar voladores con munchu mugor y poques repeticiones que den a alcontralu llimpín, pero esguilase con ciertos prestor. Aporta Dani hasta mí y entramos nel momentu de la indecisión, ya que sabíemos d'una travesía hacia un pasu de tercer grau o una más direuta de V... pero tenemos enriba la tiesta un cordino con un clavu... pero pinta de V nun se yo.

Segundu y tercer llargu del tirón... mui disfrutón

Tiro p'arriba y refuerzo con un friend qu'entra bien, pero desploma de coyones y casi cuando toi arriba veo que nun hai agarres curiosos como pa nun fallar. Nun tengo ganes de volar sobre un clavu, con un posible fallu d'esti y tola carga sobre una reunión con dos spits con una pinta... más bien vieya y fea.

Pasando... destrepo... y Dani aliviáu que ta, poro desdexamos esa salida de la reunión, que sedrá 6b como mínimu y entamo una llarga travesía ensín meter na, hasta ver una plaquina onde creyemos que debiera tar el clavu.
Na segunda reunión y final de la escalada seria

Nun lo atopo y tampoco ye qu'entre gran cosa, así que sigo travesía y métome na trepada de III, hasta dar cola tercera reunión (en nuesu casu). Un par de tirones pa Dani sepa que tamos, ya que nun mos oyemos bien y tira p'arriba con tranquilidá.

Ensin ver a Dani, sé que va probar esa placa y cuando lo veo asomar, diz qu'alcontró'l clavu pente una mata. Bono, al menos camiento que menos mal que nun mos metimos nel desplome ya que yera claru que de V nun tenía na de na.
Dani a la salida del pasu de V del clavu escondiu y siguiente llargu de matu

Echamos unes rises na reu, diciendo'l telar si llego a salir pel posible 6b, ya que tuviera que destrepar hasta la reunión que quedaría a la so manzorga y la pena del clavu del V que nun ví. Facemos cambeu de primeru y tira p'alantre un llargu de xardinería con dalgún pasín de III, onde hai que tar más atentu a les piedres sueltes y la yerba qu'a denguna otra cosa.

Tamos na primer parte d'una chimenea y cuando la cuerda ta pa terminase, monta reunión y xubo hasta él, recoyendo dalgún aniellu llaceáu a mou de seguru. Sentámonos nun planu cómodu y decidimos quitar los gatos y siguir con playeros de treking ya que'l restu del chimenea ye más matu y más trepaes de segundu.

Tramos trepada y aseguramientu d'un pasín de IV

Al final de la chimenea, tendremos los momentos más montunos, teniendo que pasarnos al espolón, con trepes bastante espuestos y onde la navegación pa superar les distintes aguyes pelo más cenciello ye lo más importante.

Esfrutando de trepes y destrepes montunos, siguimos alantre hasta dar con una forcadina onde tendremos la última dificultá, que nun ye otra que plaquina de 4 grau, pa la que volvemos a poner gatos y sacamos dalgún trastu p'asegurar el pasu.

Cume na pirámide del Fontún

Dámos-y preste al pasu, apretando un pocu más de lo pensáu y sigo alantre con una trepada continua de III hasta un blocón onde monto reu con un aniellu y mando a Dani p'arriba, ya que nun s'aprecien más dificultaes hasta'l cumal.

Tiramos coles cuerdes al llombu hasta la cume y ya col atapecer amenazando cellebramos una vía más que tachamos xuntos. Una vía, que ye totalmente de coleccionistes, mui montañera, pero con una toque especial, pola escalada anicial y los posteriores trepes y navegación pel espolón.

Dani rapelando pela cara contraria

Y que coño, col nome d'Espolón de los Asturianos, había que dir facela, sobretou cuando dempués de la escalada, pues dir a esfrutar d'un par de cañes n'Ezequiel poniéndose fino d'embutíu, mientres mires per onde anduviste engoláu dende la propia terraza.

Esti añu, munches más y meyor... esperemos!!!

viernes, 9 de febrero de 2018

Trail Afuega'l Pitu (Morcín)

21 de Xineru de 2018

Track: Trail Afuega'l Pitu (Morcín)


Web del Trail: corriendoxmorcin.com

Clasificaciones: Clasificaciones 2018  


Desmpués d'un añín de baxa por diversión, tornamos a la carrera por excelencia nesti intervalu de kilómetros y ye que nun pueu dicir na malu d'esta carrera... en 10 km ye imposible xuntar un percorríu tan montañeru, guapu y duru.

Tengo un especial apreciu al Monsacru, nes sos falderes, canales, senderos y cumales, tengo fecho monte, esguiláu en deportiva, esguiláu n'alpina y agora correr pel monte, asína qu'hai ciñu pa con esti monte sagráu, anque pa facer delles actividaes seya pelín gafu con nós y la so dureza nes ramples pónganos a vivir.

Vista dende la Foz del Monsacru

Dicir que nun fué ún d'esos grandes díes de carrera, nun me sentí bien en dengún momentu y tocó sufrir y sufrir munchísimu, sin ritmu ascendiendo la canal y ya dende antes d'aportar al entamu d'esta y ye que tuviera'l día d'antes esguilando na canal y les pates nun queríen furrular.

El restu la carrera, ensin dir gayoleru precisamente, mantuve'l tipu nel preciosu crestéu, esfrutando un pelín más col nuevu trazáu con ascensión al picu Monsacru. A partir d'ehí, víneme arriba, les pates entamaron a dar sensaciones y baxamos esnalando pel tarrén más teúnicu.

Ascendiendo hacia Otura y la so temida canal

Al menos nun colé con males sensaciones y ye que nun voi, como diba p'arriba pero en tarrén téunicu de quebrapates y baxaes téuniques seguimos faciendo les coses bien... habrá que tornar más de monte y correr menos pa tirar p'arriba en condiciones.

En resume, un carrerón que como diz el mió compaeru Alberto, si tuviera qu'escoyer una carrera pa facer al añu, siempre apostaría pol Afuega'l Pitu, por ambiente nel pueblu, percorríu montuno al máximu y porque ye una preciosidá de carrera... y esti añu colos cambeos munchísimu más.

La canal pon a prueba a tolos corredores


Mil gracies a los fotógrafos (Mariaw, Chechu Xosenel...), a los voluntarios y a los organizadores por esta carrerina tan prestosa.

------------------------------------------------------------------------

24 de Xineru de 2016

Track: Trail Afuega'l Pitu (Morcín)


Web del Trail: corriendoxmorcin.com

Clasificaciones: Clasificaciones 2016  


Tercer carrera de la temporada y siguimos con puxu, anque personalmente nun m'alcontraba nes meyores condiciones pa ella. Por dalgún motivu, estes carreres curties nun se me dan y nun acabo de sentime a gustu.

Eso sí, guapa como denguna. Tamos falando de salir dende la Foz hacia la canal d'Otura, onde delles vegaes esguilé, xubiéndola dafechu hasta les capiyes del Monsacru. Abluca con vela dende la Foz y pindia y dura ye abondo, agradeciéndose nel intre nun dir cola mochila d'escalada a la espalda.

Ascendiendo pela canal sele

El casu ye que xubí cómodu, demasiáu cómodu ya que dexaba atrás a los collacios y tuvi qu'esperar pa xubir toos xuntos. Llueu por dalgún motivu, na parte llana nel bordéu de los cumales del Monsacru nun garré un ritmu amañosu, anque hai que dicir que la sienda norte del Monsacru hasta Covarriella fue de lo más guapu que fice un munchu tiempu.

Ablucante ascensión enforma pindia y guapa

Magar del bordéu entamóse una rápida baxada na que xente diba como lloca, baxando patinando nun par de llábanes y pasé olímpicamente de forzar, quedando Gus y yo per detrás d'Alberto que baxó como un tiru, mientres nós aportamos a meta dellos minutinos más tarde.

Xubir en filera ye lo más normal nestes prebes


Lo dicho... carrera curtia (10 km) pero dura, dura polo pindio de la xubida y polo rápida qu'andase a posteriori... la próxima más y meyor esperemos y como siempre con fartura qu'esta vegada diba llevanos hasta la fastera de Santolaya.

Cansaos polo rápidu del percorríu pero contentos

lunes, 5 de febrero de 2018

La Paraya (Ayer) - Peña Cuaña

23 d'Avientu de 2017

Track: La Paraya (Ayer) - Peña Cuaña


Finales d'añu, casi en nuechebona y por mor de la meteo, desplazamos ún de les rutes hasta esti finde y con bon gustu que lu facemos. Asina que, con menos altor de ñeve, vamos intentar ascender L'Esturbín que ya ficiéramos dende Tonín. 

Pero esta vegada, quiero facer l'averamientu dende Asturies, poro vamos conducir hasta'l pueblín ayeranu de La Paraya. Pa ello, facemos la ruta davezu dende Xixón, pela autovía minera hasta Mieres del Camín, onde garramos la A-66, hasta'l desvíu al corredor del Ayer.

Preparaos pa caleyar en la Paraya (657 m)

lunes, 22 de enero de 2018

Valverdín - Pedrosa (Llión)

3 de Xunu de 2017

Entamu del tiempu d'escalada a fueu, como ye l'horariu de branu y como suel ser vezu n'Asturies, anda'l tiempu revueltu nesti final de la primavera. Aún así, andábemos con ganes y tiramos hasta Llión que daben meyor tiempu... y más en concretu, teníemos ganes de tirar pa Valverdín onde tuviera va unos añinos trepando.

Zori trepando con vistes a Valverdín

Esta vegada, pa cuando aportamos les víes más cencielles de placa taben ocupaes, asína que tiramos hasta'l seutor de los Bordillos, metíu dientru de No es lo que parece. Ellí, tuviemos trepando Zori, Richar y yo, toles víes hasta que más menos, siempre teníen un pasín apretón.

Richar plaqueando nel seutor de los Bordillos

Un ratín más tarde, apaecieron per ellí Haritz y Jeni y Pepa y Jose , aprovechando pa trepar per dalguna vía que teníemos tovía montada, hasta que llegó la hora de xintar el bocata. Nel intre, la meteo aguantaba con un salín que calecía l'ambiente un pocu pero tiraba un airín que nun yera precísamente mui agradable.

Faciendo un par de víes perbones Richar y yo

Na segunda parte del día, fué nublándose poniéndose un pelín feu y fríu enforma, tolo contrario que la escalada qu'entamó a ganar enteros, pasándonos a un planchón dientru de No es lo que parece onde enchufé tres víes que paeciéronme d'una calidá tremenda pa los sos graos (6a+, 6b y 6b+).

Haritz y Jeni apretando nunos sestos increyibles

Si esfruteles faciéndoles a vista, los collacios en polea nun fueron menos, baxando d'elles con ganes de xubir un pelín el nivel y poder probales de primeru dalgún día. La verdá ye qu'en Llión, tengo la sensación de que les plaques tan graduaes perdures pero lo vertical déxase esguilar muncho más.

Kíla a lo suyu... tar tiradina nel prau cuando-y apetez

Valverdín - Pedrosa
Croquis modificaos por mi de la escuela d'escalada de la escuela de Valverdín-Pedrosa, por mor de La Montaña Leonesa o Escalada León Gracies y col so permisu.
 
 


-----------------------------------------------------------------------------

miércoles, 17 de enero de 2018

La Güeria d'Urbiés (Mieres) - Picu Tres Conceyos

3 d'Avientu de 2017

Track: La Güeria d'Urbiés (Mieres) - Picu Tres Conceyos


Nevadona perimportante y día pelín más gafu de lo esperáu, poro intentar ascender dalgún monte d'altor ensin les condiciones afayaices... nun tien xacíu. Asina que, como siempre, tiramos de la carpetina de pendientes, echámos-y una güeyada y vemos que'l Picu Tres Conceyos, pente les cuenques del Caudal y Nalón, taba esperándonos.

Muncho más guapu de facer con ñeve, salimos dende Xixón pela minera p'almorzar en Mieres. Ellí, axuntámonos y siguiremos camín per Figareo hacia'l Val.le Turón, pasando pelos pueblos de Peñule, Cortina, Cauxal, Turón, El Llegu, La Rebaldana, Santandrés y ya dempués d'unes envueltes a Urbiés y un pelín más alantre, La Güeria.

Partimos dende'l pueblín de la Güeria (665 m)

viernes, 5 de enero de 2018

Penón de Ventana (Teberga)

 Xunetu de 2017

Ún d'esos díes de Xunetu nos que pinta que nun se va poder soportar el calor, decidímonos a xubir hasta'l Puertu Ventana, onde hai delles víes d'escalada nel atrautivu Penón de Ventana. Son munches les rutes de monte que fice dende esti puertu, pero nunca me fixara na calidá de la so caliza pa la práutica de la escalada.

El casu ye qu'abriéronse delles víes y nel puertu, siempre tira una brisina que déxate esguilar y non como nel valle que pegaba fuerte dende les primeres hores de la mañana. Amás de too esto, penriba del Penón, tenemos una serie de grandes bloques y los callexones pente elles son frescos y siempre hai dalgún puntu a la solombra pa trepar.

Aparcaos na pista de Torbaniel.lu

Nun hai croquis d'esti llugar, pero así sobre la marcha, tuviemos esguilando un V/V+ de plaquina onde ya notes como la caliza tien otru tastu, más alpinu. Llueu pasamos a un 6a más llargu de placa, que ye tamién mui buenu, con pasinos finos durante tol percorríu de la vía.

Magar de calecer les manes... metímonos a la solombra, a facer una vía con salida a bloque puru que saldrá sol 6b+ y que dempués del apretón, toca andar finu na parte alta, si nun quies tener repetila y que sáltensete les vieles cola entrada de nuevu jeje.

Vista del Penón de Ventana dende baxo

Al llau del 6b+ bloqueru, tenemos un par de plaques finísimes que saldrán como 7a y 6c+, encadenando al segundu pegue'l 7a, esfrutándo munchísimu de la vía. La que se supón más cenciella, pa min, paecióme hasta más dura, con un pasu rarísimu de lleer, teniendo que colar ensin encadenala, dempués de tres o cuatru pegues durísimos.

Cola espalda contracturada magar de los pegues al 6c+/pa su puta madre por mi parte, aparqué les ganes de siguir probando víes. Aún así, na placa a la mandrecha del 6a salen otru par de víes que serán pente'l 7a+ y el 7b que nun llegamos a probar pero teníen mui bona pinta.

Vista ablucante del Penón de Ventana dende riba

Y como non... l'ayalga del seutor... ta na semeya que vos amueso xusto enriba. Esi desplome tien dos o tres víes si alcuérdome bien, que de xuru un par d'elles son octavos y la de más a la mandrecha debe andar pente'l 7b+ y el 7c.

N'aquel día nun m'atrevía a meteme, pero tou escalador que se precie tien que probar esa vía na so vida, sólo poles semeyes que te pueden sacar con esi desplome tan brutal. La verdá ye que tamos falando de trepar a 1600 m d'altor, nun llugar ablucante, onde por muncho calor que faiga pel valle, taremos fresquinos... pero como siempre... respetái que tamos n'Asturies y esto hai que caltenelo en condiciones.

miércoles, 3 de enero de 2018

Trail Villaviciosa (Villaviciosa) - Santolaya (Cabranes)

 18 d'Avientu de 2017

Track: Trail Villaviciosa (Villaviciosa) - Santolaya (Cabranes)


Web del Trail: Trail Villaviciosa - Santolaya

Clasificaciones: Clasificaciones 2017  


Un añu más, vuelvo a tierres sidreres pa correr nel trail que xune les capitales de la Villa y Santolaya. Esti añu, con camudu nel percorríu, ganábense unos quinientos metros de desnivel más y un par de kilometrinos en distancia, anque eso nun fué lo más importante de cara a los tiempos col añu pasáu... sinon les cantidaes ensin xacíu de barru nel trayeutu.

Venga... que ya daba igual too

A tou esto, nun ye que ficiera d'aida tener que correr con unos playeros que quéndeme pequeños y con paécenme unes madreñes dafechu. Aún asína, nun lo ficimos mal del tou y anque apretamos de más na nueva xubida pa caltener ritmos pudimos durante tola carrera aguntar la posición ya incluso ganar dalguna al fina.

A la idega de la organización, de quitanos dellos kilómetros d'asfaltu lo cual ye mui d'agradecer, l'ascensión inicial ye mui correndera y resta fuercies pal restu del percorríu, lo cual fai ganar enteros montañéramente falando.

Esfrutando del barrizal a sacu


Llueu tocaba metese na baxada hasta los molinos del Profundu, onde metíeste nel infiernu del barru, con patinaes continues, pero con una pasada de niveles d'agua nel calce del ríu, pudiendo esfrutar de vadeos con agua hasta les rodiyes y tabayones pequeños, medianos y nel caberu molín... ablucantes.

Darréu, tocaba l'ascensión hacia Peña Cabrera onde fízose duro enforma la cantidá de barru, que facía un infiernu avanzar pasu ente pasu. Llibráu esto, con munchísimu esfuerzu, descensu per pista cenciella y un caberu entepechu que nun lo alcordaba tan duro... notábase que díbemos pelín tocaos por mor de la dureza y pesadez del barru.

Meta un añu más en Santolaya


Y pa finar, como non... nun día soleyeru enforma, lo cual faise importante nestes feches, pudimos esfrutar d'un tranquilu vermú en Santolaya y d'una fartura de fabes y arroz con llechi, qu'amatagáben l'esfuerzu de les 2 hores y 47 minutinos de carrera, quedando'l 25 na xeneral y el 6º na mió categoria.

Como siempre.. un placer corretiar pentes ríos, viesques y con una meteo que paez que la tienen asegurada... al menos nos dos años que llevo esfrutrando d'esti trail. Mil gracies a los fotógrafos (Álvaro Postigo, Juan Luis Malgor...), a los voluntarios y a los organizadores por esta carrerina tan prestosa.
------------------------------------------------------------------------------